Pecyn Adnoddau
Mae’r pecyn adnoddau yn becyn cymorth cynhwysfawr sydd wedi’i gynllunio i gefnogi sefydliadau, grwpiau cymunedol, ac unigolion yn eu hymdrechion i hyrwyddo bioamrywiaeth ac arferion natur-gyfeillgar mewn mannau gwyrdd.
Mae’r pecyn hwn yn cynnwys cyfoeth o adnoddau, o ganllawiau rheoli ac offer cyfathrebu i ddeunyddiau addysgol a mentrau gwyddoniaeth dinasyddion, i gyd wedi’u hanelu at eich grymuso i wneud gwahaniaeth cadarnhaol yn eich amgylchedd lleol.
I gymnryd rhan yn Natur Wyllt a rheoli eich man gwyrdd eich hun ar gyfer natur, gallwch ofyn am ein pecyn adnoddau newydd drwy e-bostio gwentpollinators@monmouthshire.gov.uk
Mae’r pecyn yn cynnwys:
- Cod Gweithredu
- Arweiniad Pellach
- Taflen a Chwestiynau Cyffredin
- Canllaw Cyfathrebu
- Cynllun Gwyddoniaeth Dinesydd Gwylio Blodau Gwyllt
- Canllawiau Blodau Gwyllt Natur Wyllt
- Nodyn Briffio a Chyd-destun Polisi
- Arwyddion
- Modiwl Hyfforddiant Ar-lein
- A mwy!
Cod Gweithredu
Ffocws dull Natur Wyllt yw galluogi mwy o natur yn ôl i’n mannau gwyrdd drwy fod yn llai taclus a chaniatáu i flodau gwyllt a glaswellt dyfu.
Fodd bynnag, nid gadael i bopeth fynd yn wyllt yw hyn. Mae dolydd traddodiadol yn gynefinoedd a gaiff eu rheoli i raddau helaeth ac mewn mannau gwyrdd trefol mae llawer o ystyriaethau i sicrhau eu bod yn diwallu anghenion preswylwyr.
Rydym wedi datblygu’r Cod Gweithredu hwn yn seiliedig ar egwyddorion craidd rheoli glaswelltir a chafodd hynny ei fabwysiadu gan dimau tiroedd ein 5 awdurdod lleol. Mae’r egwyddorion hyn yn sicrhau bod diogelwch a hamdden yn cael eu cadw a chynnal fel bod lle ar gyfer natur a phobl.
Os ydych yn gyfrifol am reoli unrhyw laswelltir, p’un ai cyhoeddus neu breifat, gallwch ddilyn yr egwyddorion hyn i sicrhau mwy o fioamrywiaeth yn eich mannau gwyrdd. Gellir defnyddio’r Cod Gweithredu ar safle o unrhyw faint, o ardaloedd bach i safleoedd mawr, mae’r cyfan yn helpu i fynd i’r afael â’r dirywiad mewn peillwyr.
Dogfen i Lawrlwytho: Cod Gweithredu Natur Wyllt
Canllawiau Blodau Gwyllt
Rydym wedi paratoi canllawiau syml ar rai o’r blodau gwyllt pwysicaf ar gyfer peillwyr er mwyn dechrau dysgu enwau’r blodau gwyllt a welwch mewn glaswelltiroedd yn ystod y gwanwyn a’r haf.
Dogfen i Lawrlwytho: Canllawiau Blodau Gwyllt Natur Wyllt
Taflen a Chwestiynau Cyffredin
Gall y dull Natur Wyllt o reoli glaswelltir fod yn ddadleuol i rai aelodau o’r cyhoedd. Rydym wedi gwneud taflen i breswylwyr y gall timau tiroedd ei defnyddio i egluro’r rhesymeg y tu ôl i’r newid mewn rheolaeth ac ateb rhai o bryderon mynych y cyhoedd.
Dogfen i Lawrlwytho: Taflen Natur Wyllt
Rydym wedi datblygu fideos sy’n dangos sawl agwedd ar reolaeth trwy gydol y flwyddyn, ewch i restr chwarae Natur Wyllt MonLife ar YouTube i’w gwylio nhw i gyd!
Mae ein modiwl hyfforddiant ar-lein yn mynd â chi ar daith trwy flwyddyn dôl Natur Wyllt gan ddewis gweithgareddau rheoli allweddol ym mhob tymor ac archwilio’r ecoleg y tu ôl i’n hegwyddorion.
This post is also available in: English