Rhannwch eich Llais: Lluniwch Ddyfodol ein Hamgylchedd

Rydym yn eich gwahodd i gymryd rhan yn ein hymgynghoriad cymunedol, gyda’r nod o ddeall sut mae’r argyfwng hinsawdd a natur yn effeithio ar drigolion Sir Fynwy, a chasglu mewnwelediadau gwerthfawr ar sut y gallwn ysbrydoli gweithredu a chefnogi yn ein cymunedau.

Beth sydd ar yr agenda?

• Deall yr Argyfwng Natur: Sut ydych chi a’ch cymuned yn deall y newidiadau yn ein hamgylchedd? Rhannwch eich sylwadau i’n helpu i gael dealltwriaeth gliriach.
• Cymhelliant a Chefnogaeth Gymunedol: Pa fath o gefnogaeth neu adnoddau fyddai’n eich helpu chi ac eraill i weithredu? Gadewch i ni wybod beth fyddai’n gwneud gwahaniaeth.
• Adborth ar Strategaethau Lleol: Adolygwch a rhowch adborth ar ein Cynllun Gweithredu Adfer Natur Lleol (CGAN) a’r Strategaeth Seilwaith Gwyrdd. Bydd eich mewnbwn yn helpu i wella a mireinio ein dull gweithredu.

Beth yw’r Strategaethau Lleol?

Rydym yn gofyn am adborth ar ddwy strategaeth leol sydd wedi’u cynhyrchu i gefnogi darpariaeth Adfer Natur Sir Fynwy,  

Bydd CGAN Lleol Sir Fynwy, a gynhyrchwyd gan Gyngor Sir Fynwy ar ran Partneriaeth Natur Leol Sir Fynwy, yn ganllaw i waith cadwraeth yn Sir Fynwy i gyflawni canlyniadau er budd adfer natur.  Nod y cynllun yw darparu camau ymarferol, cyraeddadwy sydd wedi’u cynllunio i helpu i wrthdroi’r dirywiad mewn bioamrywiaeth ac adeiladu gwydnwch ecosystemau yn Sir Fynwy, y gellir eu defnyddio gan unigolion, cymunedau, busnesau, cynghorau ac ymarferwyr cadwraeth ledled Sir Fynwy.

Gallwch ddarllen y CGAN Lleol YMA

Mae’r Strategaeth Seilwaith Gwyrdd yn nodi dull y Cyngor o wella bioamrywiaeth a chynyddu gwytnwch ecosystemau trwy Seilwaith Gwyrdd.  Mae hefyd yn nodi dull y Cyngor o wella canlyniadau iechyd a lles a cheisio cyflawni gweithredu yn yr hinsawdd trwy brosiectau a phartneriaethau ar raddfa dirwedd.  

Strategaeth Seilwaith Gwyrdd – Crynodeb Gweithredol

Strategaeth Seilwaith Gwyrdd – CYFROL 1

Strategaeth Seilwaith Gwyrdd – CYFROL 2

Cymerwch Ran

Ymunwch â’r sgwrs a helpwch ni i lunio’r llwybr ymlaen.  Mae eich adborth yn amhrisiadwy wrth greu atebion sy’n cyd-fynd ag anghenion ein cymuned, ac yn eu cefnogi.

YMGYNGHORIAD

This post is also available in: English