Croeso i’r Prosiect Seilwaith Gwyrdd – Coridorau Gwyrdd
Bydd y Coridorau Gwyrdd sy’n cael eu gwella gan y prosiectau SG yn helpu i wella neu greu cynefinoedd cyfoethog, sy’n gweithredu fel “cerrig camu” i fywyd gwyllt (fel peillwyr ac adar) ddod o hyd i gysgod neu fwyd yn ein hardaloedd trefol. Mae’r coridorau hyn yn galluogi datblygiad ecosystemau gwydn sy’n medru: cefnogi lles cymunedol, helpu i ddelio â newid yn yr hinsawdd, darparu aer glân, storio carbon, darparu atebion llifogydd a chreu mynediad at natur ar garreg ein drws.
Mae mannau trefol yn dod yn fwyfwy pwysig o ran cynnal ein bywyd gwyllt. Gall Coridorau Gwyrdd gysylltu ein mannau trefol â’r gwarchodfeydd natur/tirweddau mwy sy’n amgylchynu ein trefi, gan fod o fudd i fioamrywiaeth a’r gymuned leol.
Cynigion ar gyfer 2024/25
Hoffem ddiweddaru preswylwyr a rhanddeiliaid ar Brosiect Seilwaith Gwyrdd y Coridor Gwyrdd, a rhoi cyfle i chi roi mwy o adborth ar y prosiect. Dyfarnwyd arian o’r Gronfa Ffyniant Gyffredin i Gyngor Sir Fynwy drwy Bartneriaeth Grid Gwyrdd Gwent, i ddylunio rhwng 15-20 o Brosiectau Seilwaith Gwyrdd bach a chanolig eu maint yn y Goetre, Llanofer, Brynbuga, Llangybi, Llandeilo Bertholau, Rhaglan, y Fenni a Threfynwy.
Bydd y prosiectau Seilwaith Gwyrdd yn creu mwy o leoedd gwell ar gyfer pobl a bywyd gwyllt ac yn hyrwyddo ecosystemau cydnerth. Caiff cynlluniau eu cyflwyno ym mlynyddoedd ariannol 2024/25 a chânt eu hariannu gan gyllid Lleoedd Lleol ar gyfer Natur drwy Gyngor Gweithredu Gwirfoddol Cymru.
Eich Adborth
Byddem yn ddiolchgar iawn am fwy o adborth gan y gymuned a rhanddeiliaid, cliciwch ar y ddolen ‘Dweud eich barn’ isod a aiff â chi i holiadur. Os cliciwch ar enw’r lle mae gennych ddiddordeb ynddo, byddwch wedyn yn gweld opsiynau i glicio ar safleoedd gwyrdd penodol i weld amlinelliad dylunio a gynigir.
Dweud eich barnEsiamplau o Wella Bioamrywiaeth
Perthi newydd
Mae’r rhain yn cynnig gorchudd i adar i guddio, ynghyd â mamaliaid bach a thrychfilod. Maent hefyd yn nodweddion llorweddol ac yn dda ar gyfer cuddio ffens neu wal salw.
Plannu Coed
Mae coed yn cynnig bwyd a rhywle i adar (yn benodol) i guddio, ac yn fwy pwysig, maent yn medru cynnig cyfres o ‘gerrig sarn’ o ran gorchudd ar draws ardal helaeth o balmentydd, tra hefyd yn cynnig cysgod a lliw i drigolion.
Blodau gwyllt
Mae llawer o’n glastiroedd yn gyfyngedig iawn o ran eu bioamrywiaeth. Mae glaswellt sydd yn cynnwys blodau gwyllt yn cynnig cynefinoedd cyfoethog ar gyfer trychfilod, ac yn enwedig, gwenyn.
Rheoli coetiroedd
Mae coetiroedd yn newid drwy’r amser ac angen eu cynnal a’u cadw fel mannau deinamig a chyfeillgar ar gyfer bywyd gwyllt. Mae hyn yn golygu bod angen bod angen torri ychydig o’r tyfiant er mwyn annog coed, llwyni a blodau gwyllt, gan gynnwys bylbiau, i dyfu.
Cartrefi bywyd gwyllt
Mae cynefinoedd yn medru cael eu gwella drwy ddarparu gofodau addas i fywyd gwyllt i fagu anifeiliaid bach. Mae hyn yn medru cynnwys bocsys ar gyfer ystlumod ac adar ar gyfer rhywogaethau fel Gwenoliaid Du a Thylluanod. Mae ymlusgiaid, trychfilod ac amffibiaid angen rhywle i guddio pan eu bod yn ddisymud a’n gaeafgysgu, ac mae gwneud cartrefi o ddarnau pren neu gerrig yn medru darparu hyn. Dylid ceisio sicrhau bod y rhain i ffwrdd o bobl ac anifeiliaid anwes ond maent yn ffordd bwysig o wneud ardaloedd yn fwy deniadol ar gyfer bywyd gwyllt.
Am dreulio amser yn rhannu eich adborth ar y prosiectau!
Cysylltwch gyda ni LocalNature@Monmouthshire.gov.uk os oes unrhyw gwestiynau eraill gennych.
This post is also available in: English