Mae pedwar math o hawl dramwy cyhoeddus.

Llwybrau Troed – ar gyfer cerdded, rhedeg, sgwteri symudedd neu gadeiriau olwyn trydan. Mae’r rhain wedi’u marcio gyda symbol o ddyn sy’n cerdded a/neu saeth felen

Llwybrau Ceffylau – ar gyfer cerdded, marchogaeth, beiciau, sgwteri symudedd neu gadeiriau olwyn trydan. Mae’r rhain wedi’u harwyddo gyda symbol o farchog ceffyl ac yn aml wedi’u marcio â saeth las

Cilffyrdd Cyfyngedig – ar gyfer unrhyw fath o gludiant heb sgwter a sgwteri symudedd neu gadeiriau olwyn â phwer. Mae’r rhain wedi’u marcio gyda symbol o geffyl a chert ac yn aml gyda chyfeirbwynt porffor.

Cilffyrdd sydd ar agor i bob traffig – ar gyfer unrhyw fath o gludiant, gan gynnwys ceir (ond cerddwyr, beicwyr a marchogion sy’n eu defnyddio’n bennaf)

Gallwch weld lle mae’r llwybrau hyn yn rhedeg a’r llwybrau sydd wedi’u hyrwyddo ar ein map YMA.

I gael rhagor o wybodaeth ar gfyer mynediad cefn gwlad a hawliau tramwy, gweler y Cynllun Gwella Mynediad Cefn Gwlad

Mae Cynllun Gwella Mynediad Cefn Gwlad Sir Fynwy 2020- 2030 (CGMCG) yn nodi amcanion a rennir ar gyfer rhwydwaith hawliau tramwy’r sir, safleoedd cefn gwlad a mynediad cyhoeddus ehangach am y deng mlynedd nesaf.  Mae’r cynllun yn gyfuniad o ymchwil, dadansoddi ac ymgynghori manwl gyda’r cyhoedd a rhanddeiliaid (adroddiadau CGHTC ac asesu drafft isod). Mae’n cydnabod y gwerth mynediad at fannau gwyrdd o ansawdd uchel o ran lles corfforol a meddyliol i drigolion ac ymwelwyr.   Mae’r cynllun yn uchelgeisiol a realistig o ran yr heriau sy’n wynebu Sir Fynwy a’n cymdeithas ehangach.

Bydd cyflwyno’r cynllun hwn yn cyfrannu’n sylweddol at wneud Sir Fynwy yn lle iachach, mwy ffyniannus a mwy pleserus lle i fyw ac ymweld â hi.   Bydd yn cael ei fonitro gan Fforwm Mynediad Lleol Sir Fynwy a thrwy Gynlluniau Cyflawni Mynediad Cefn Gwlad blynyddol.

Gellir lawrlwytho’r Cynllun Gwella Mynediad Cefn Gwlad am ddim yma. I ofyn am gopïau caled o’r cynllun (nodwch y gall ffi fod yn berthnasol er mwyn talu’r costau), neu am unrhyw fformat arall, anfonwch e-bost at countryside@monmouthshire.gov.uk, ffoniwch 01633 644850 neu ysgrifennwch at y cyfeiriad isod.

Mae Fforwm Mynediad Lleol Sir Fynwy yn cynghori Cyngor Sir Fynwy ac eraill ar ffyrdd o wella hawliau tramwy cyhoeddus a mannau gwyrdd yn Sir Fynwy.

Mae’n cynnwys gwirfoddolwyr sy’n ceisio rhoi golwg gytbwys ar faterion a blaenoriaethau mynediad sy’n effeithio ar yr ardal leol neu a allai ddylanwadu ar bolisi cenedlaethol.

Mae aelodau’n cynrychioli:

• Defnyddwyr hawliau tramwy lleol megis cerddwyr, beicwyr a marchogion ceffylau;
• Perchnogion a meddianwyr y tir;
• Grwpiau diddordeb cadwraeth, twristiaeth a’r economi wledig.

Cyfarfodydd a Chofnodion

Rydym yn cyfarfod tua 4 gwaith y flwyddyn mewn gwahanol leoliadau yn y sir.  Mae’r cyfarfodydd yn agored i’r cyhoedd

Mae cofnodion y cyfarfod, agendâu a dyddiadau ar gael ar wefan Cyngor Sir Fynwy.

Adroddiadau Blynyddol

Mae copïau o adroddiadau blynyddol y fforwm ar gael trwy glicio ar y dolenni isod:

Adroddiad Blynyddol FfMLl Sir Fynwy 2017/2018

Adroddiad Blynyddol FfMLl Sir Fynwy 2018/2019

Adroddiad Blynyddol FfMLl Sir Fynwy 2019/2020

Adroddiad Blynyddol FfMLl Sir Fynwy 2021

Adroddiad Blynyddol Fforwm Mynediad Lleol Sir Fynwy 2022

Adroddiad Blynyddol FfMLl Sir Fynwy 2023

Ymunwch â Fforwm Mynediad Lleol Sir Fynwy

Rydym yn chwilio am aelodau newydd ar gyfer Fforwm Mynediad Lleol Sir Fynwy i gynrychioli buddiannau tirfeddianwyr / rheolwyr a marchogion. Mae’r Fforwm yn cynghori’r Cyngor, Cyfoeth Naturiol Cymru, ac eraill ar ffyrdd o wella hawliau tramwy cyhoeddus a mannau gwyrdd yn Sir Fynwy.

Swyddi gwirfoddol yw’r rhain i roi cyngor ar faterion mynediad i gefn gwlad a helpu i gefnogi gwelliannau i fynediad lleol.

Rydym am i’r Fforwm newydd adlewyrchu’r ystod ehangaf o ddiddordebau. Os ydych yn fodlon rhannu eich arbenigedd a chymryd rhan yn y Fforwm mynediad lleol am y tair blynedd nesaf, byddem wrth ein bodd yn clywed gennych.

Mae gennym ddiddordeb arbennig mewn clywed gan ddarpar aelodau sydd â chysylltiadau da a gweithredol gyda sefydliadau lleol perthnasol, partneriaethau a grwpiau diddordeb.

Mae’r Fforwm yn ceisio cynnal cydbwysedd buddiannau gan gynnwys tirfeddianwyr a rheolwyr tir, pob math o ddefnyddwyr mynediad a’r rhai sy’n cynrychioli buddiannau eraill, megis iechyd, mynediad i bawb a chadwraeth.

Mae rhagor o wybodaeth ar gael yma ac mae’r ffurflen gais ar gael yma neu am fwy o wybodaeth, e-bostiwch rural@monmouthshire.gov.uk

Ar gyfer ‘Arweiniad Recriwtio’, cliciwch YMA.

Lawrlwythwch Ffurflen Gais YMA.

Cysylltu â Fforwm Mynediad Lleol Sir Fynwy

Mae MonLife yn darparu’r gefnogaeth ysgrifenyddol i’r fforwm, ac am ragor o wybodaeth cysylltwch â chyfeiriad e-bost Ysgrifennydd y Fforwm: countryside@monmouthshire.gov.uk

Mae’r map hawliau tramwy cyfreithiol (Map a Datganiad Diffiniol) i’w gweld ar ôl gwneud apwyntiad yn Neuadd y Sir ym Mrynbuga.  Gellir gweld y mapiau hefyd yn Swyddfa Cofnodion Gwent, ond nodwch na fydd hyn yn cynnwys unrhyw orchmynion a wnaed ers iddo gael ei gyhoeddi.  Mae map hawliau tramwy rhyngweithiol cyfansawdd gyda mapiau sylfaen modern hefyd ar gael i’w weld ar-lein.

Os ydych yn meddwl bod y map hawliau tramwy cyfreithiol (Map a Datganiad Diffiniol) yn anghywir gallwch wneud cais i’w newid.

Enghreifftiau o bryd y gallech wneud cais:

• I ychwanegu hawl tramwy i’r map – yn aml mae llwybr yn bodoli’n wirioneddol ond nid yw’n cael ei ddangos ar y map Diffiniol.
• I newid statws yr hawl tramwy – efallai bod llwybr troed wedi cael ei ddefnyddio fel llwybr ceffylau am 20 mlynedd neu fwy.   Gallwch wneud cais i newid ei statws.
• I gywiro gwallau ar y map – nid yw llwybr a gofnodwyd ar y map yn gyhoeddus, mae wedi’i ddangos ar yr aliniad anghywir neu mae angen ei ddiffinio’n fwy manwl.

Os oes angen i chi gau hawl tramwy cyhoeddus dros dro i wneud gwaith arno, neu wrth ei ymyl, cysylltwch â Mynediad Cefn Gwlad cyn gynted â phosibl.

Gallwch wneud cais hefyd i symud llwybr at lwybr mwy cyfleus, neu gau llwybr yn barhaol os nad oes ei angen mwyach ar gyfer defnydd y cyhoedd

Am ragor o wybodaeth am y profion y byddai angen eu defnyddio, costau, blaenoriaethau, gweithdrefnau a ffurflenni cais, cysylltwch os gwelwch yn dda cysylltwch â countryside@monmouthshire.gov.uk

Darllenwch y gofrestr ceisiadau ar gyfer gorchmynion addasu cyfredol

Mae’r Tîm Mynediad Cefn Gwlad yn hyrwyddo defnydd cyfrifol gan y cyhoedd wrth arfer eu hawliau, ac yn gweithio lle bynnag y bo modd gyda thirfeddianwyr i sicrhau cydymffurfiaeth â chynnal y rhwydwaith a chyflawni gwelliannau.

Datblygwyd y dogfennau canlynol i gynorthwyo pawb sy’n ymwneud â llwybrau cyhoeddus. Canllaw Dodrefn Mynediad Cefn Gwlad.

Canllaw Mynediad i Fioamrywiaeth Cefn Gwlad.

Polisi, Protocol ac Adroddiad Rheolaeth Weithredol Mynediad Cefn Gwlad

Mae Ymweld â Sir Fynwy yn manylu ar y teithiau cerdded, y reidiau a’r digwyddiadau sydd ar gael, ynghyd â llety ac atyniadau eraill.

Mwynhewch ein cefn gwlad, yn ddiogel, byddwch yn gall o ran antur a chynlluniwch eich ymweliad.

I gael gwybod lle gallwch chi fynd, defnyddiwch ein mapiau rhyngweithiol a gweld ein holl lwybrau sydd wedi’u hyrwyddo YMA. Dilynwch y canllawiau hyn hefyd:

• Cadwch bellter cymdeithasol bob amser
• Byddwch yn wyliadwrus o ran golchi dwylo a hylendid
• Arhoswch gartref os oes gennych chi neu unrhyw un rydych chi’n byw gyda nhw Symptomau’r Coronafeirws
• Byddwch yn barchus o ofod pobl eraill ac arhoswch yn ddiogel mewn mannau megis pontydd, giatiau moch, neu gamfeydd, nes ei bod yn ddiogel i chi barhau ar eich taith gerdded;
• Peidiwch â gadael sbwriel – byddwch yn barod i fynd â’ch sbwriel adref gyda chi i ailgylchu neu waredu.
• Byddwch yn berchennog ci cyfrifol drwy ddilyn y Cod Cerdded Cŵn
• Os yw ein meysydd parcio’n llawn neu’n brysur, dewch yn ôl dro arall a pheidiwch â pharcio ar ffyrdd mynediad neu ffyrdd cyfagos
• Peidiwch ag oedi mewn meysydd parcio fel y gall eraill fynd a dod yn ddiogel.

Mae llawer o lwybrau troed a llwybrau ceffylau yn croesi tir preifat ac mewn rhai achosion mae ffermydd ar waith yn agos at gartrefi preifat. Cadwch at y llwybrau, dilynwch y cod cefn gwlad, cadwch eich pellter oddi wrth dirfeddianwyr a pharhau i ddilyn y cyfyngiadau a’r mesurau sydd ar waith i’ch diogelu chi ac eraill.

Gellir dod o hyd i fanylion am gau llwybrau oherwydd llifogydd, pontydd peryglus ac ati yma.

Byddwch yn Gall o ran Antur –

• Mwynhewch amser hamdden awyr agored egnïol wrth gadw at ymbellhau cymdeithasol da bob amser
• Peidiwch â theithio i ardaloedd twristiaeth poblogaidd a lleihau’r risg y bydd grwpiau yn ymgasglu mewn un lle
• Cadw’n agos i’ch cartref – ystyriwch weithgareddau risg isel, cyfarwydd mewn ardaloedd lleol, megis taith gerdded neu redeg lleol
• Osgowch drafnidiaeth gyhoeddus a chynulliadau cymdeithasol – cadwch yn weithredol drwy deithio ar droed neu feic

Gofynnwch 3 chwestiwn i chi’ch hun cyn i chi gychwyn:

• Oes gen i’r WISG gywir?
• Ydw i’n gwybod sut beth fydd y TYWYDD?
• Ydw i’n hyderus bod gen i’r WYBODAETH A’R SGILIAU ar gyfer y diwrnod?

I gael rhagor o wybodaeth ac arweiniad ar hamdden awyr agored egnïol diogel, ewch i wefan AdventureSmart.

Defnyddiwch ein map rhyngweithiol er mwyn adrodd problem ynglŷn â hawliau tramwy..

Gweler yr hysbysiadau hawliau tramwy cyhoeddus cyfredol YMA.

Caiff gwaith Mynediad Cefn Gwlad ei gefnogi gan wirfoddolwyr unigol, grwpiau lleol a Grwpiau “Cyfeillion …”, sy’n ymgymryd ag ystod eang o dasgau cefn gwlad ar lwybrau cyhoeddus a safleoedd cefn gwlad. Enghreifftiau o dasgau i wirfoddolwyr mae:- ymgymryd â digwyddiadau, dynodi a chyllido gwelliannau, plannu coed, clirio, tasgau cadwraeth, rheoli data, monitro, gosod arwyddion, gwaith syrfëwr, hyrwyddo a chynnal safleoedd a llwybrau cerdded.

Mae “Grwpiau Cyfeillion” a phartneriaid eraill yn helpu i ofalu am ein safleoedd, a’u hyrwyddo. Os oes gennych ddiddordeb mewn gwirfoddoli ar ein safleoedd cysylltwch â countryside@monmouthshire.gov.uk neu dewch o hyd i fwy o wybodaeth am y grwpiau isod:

Cyfeillion Dolydd y Castell

Cyfeillion Parc Cefn Gwlad Rogiet

Parkrun Rogiet

Pysgota ar Ddyfroedd Tref y Fenni – caiff hyn ei reoli ar ein rhan gan gonsortiwm o glybiau pysgota lleol.

Mae’r Pecyn Cymorth Ymgysylltu Cymunedol yn rhoi cyngor a gwybodaeth i grwpiau cymunedol sydd eisiau helpu neu gynnal llwybrau cerdded a llwybrau mynediad arall yn eu hardal leol. Gallai’r rhain fod yn Gynghorau Cymuned, Grwpiau Croeso Cerddwyr, grwpiau cerdded lleol neu sefydliadau eraill.

Os oes gennych ddiddordeb mewn ymuno â grŵp gwirfoddolwyr mynediad cefn gwlad neu dymuno ymwneud â thasg benodol, cysylltwch os gwelwch yn dda â’r Tîm Mynediad Cefn Gwlad drwy e-bost countryside@monmouthshire.gov.uk,

neu ysgrifennu at:

Mynediad Cefn Gwlad, MonLife

Cyngor Sir Fynwy

Neuadd y Sir

Y Rhadyr

Brynbuga NP16 1GA

Mae ffliw adar yn glefyd feirysol heintus iawn.   Mae’n effeithio ar system resbiradol, treuliad neu nerfol llawer o rywogaethau o aderyn.

Diweddariad sefyllfa:  Mae’r achosion ar Ynys Gwales wedi lledu o fewn y nythfa (gweler yma am y diweddaraf o’r RSPB) ac rydym yn derbyn adroddiadau bod adar yn golchi i’r lan ar arfordir y tir mawr ac mae adar pellach wedi eu cadarnhau fel yn profi’n bositif yng Nghymru (gweler yma am adroddiadau gwyliadwriaeth adar gwyllt APHA).   Mae Gweinidog Materion Gwledig a Gogledd Cymru, a’r Trefnydd wedi datgan Parth Diogelu Ffliw Adar Cymru gyfan o’r 17 Hydref 2022.  Bydd y Parth Atal yn berthnasol i Gymru gyfan.   Bydd yn gofyn i bob ceidwad adar gadw at rai mesurau bioddiogelwch, fel y nodir yn y datganiad.   Gall hyn effeithio ar fynediad y cyhoedd wrth i geidwaid dofednod gynyddu mesurau bioddiogelwch er mwyn atal halogi, fel diheintio esgidiau.

Mae mwy o fanylion am ffliw adar ar www.gov.uk a map rhyngweithiol yma: Gwefan ArcGIS.

I roi gwybod am adar gwyllt a allai fod wedi’u heintio, neu sydd wedi marw o’r haint, ffoniwch swyddfa leol yr Asiantaeth Iechyd Anifeiliaid a Phlanhigion ar unwaith ar 0300 303 8268. Bydd eu milfeddygon yn ymchwilio i achosion tybiedig. Gallwch hefyd rannu unrhyw adroddiadau sydd gennych ar farwolaethau gyda CNC trwy e-bost Ffliw Adar CNC (ffliwadarcnc@cyfoethnaturiolcymru.gov.uk)

Nid oes unrhyw lwybrau cyhoeddus na mathau eraill o hawliau tramwy cyhoeddus, na safleoedd cefn gwlad ar gau o ganlyniad i’r ffliw adar yn Sir Fynwy.