Antur Awyr Agored MonLife yn cynnal Diwrnod Antur Hygyrch

Ar ddydd Sadwrn, 10fed Awst, ymunodd teuluoedd â Diwrnod Antur Hygyrch Awyr Agored MonLife yng Nghanolfan Awyr Agored Gilwern.

Roedd y diwrnod yn llawn o weithgareddau a fwynhawyd gan deuluoedd a swyddogion, gyda gwên yn amlwg ar wynebau pawb a fynychodd. Un o uchafbwyntiau’r diwrnod oedd sgwrs rhwng mab a’i dad. Clywyd y mab yn annog ei dad i “Dal yn dynn, Dadi!” wrth iddynt  fwynhau’r abseilio.

Roedd y gweithgareddau, a addaswyd fel bod pawb yn gallu cymryd rhan, yn cynnwys abseilio, saethyddiaeth, chwarae dŵr, pentyrru cewyll, a llawer mwy.

Dywedodd y Cynghorydd Angela Sandles, Aelod Cabinet Cyngor Sir Fynwy dros Gydraddoldeb ac Ymgysylltu: “Roedd yn ddiwrnod gwych yng Nghanolfan Awyr Agored Gilwern. Roedd y diwrnod yn caniatáu i ni roi cyfle i deuluoedd ddod draw a chymryd rhan yn y gweithgareddau rhad ac am ddim sydd ar gael yn y ganolfan. . Bydd gweld pawb yn cymryd rhan gyda gwên yn aros gyda mi am amser hir yn fy nghof.”

Ariennir y prosiectau hyn yn rhannol gan Lywodraeth y DU drwy Gronfa Ffyniant Gyffredin y DU.

Mae Canolfan Awyr Agored Gilwern wedi’i lleoli yng Ngilwern, Y Fenni, ac mae wedi’i lleoli ger rhai o’r amgylcheddau awyr agored gorau y gallech fod am ddod o hyd iddynt unrhyw le yn y DU, gan gynnwys Afon Wysg, y Mynyddoedd Du a Bannau Brycheiniog ar garreg y drws. Ar y safle, mae llety cyfforddus gyda digon o le yn yr ardaloedd cymunedol i blant ddod at ei gilydd a dathlu eu cyflawniadau ar ôl diwrnod prysur o weithgareddau anturus.

I ddarganfod mwy am Ganolfan Awyr Agored Gilwern, ewch i: https://www.monlife.co.uk/cy/outdoor/outdoor-adventure/

This post is also available in: English