![](https://www.monlife.co.uk/wp-content/uploads/2024/07/MCC_Shire-Hall_Have-your-say_MonLife-banner-1024x478.jpg)
Ymgynghoriad Amgueddfa Neuadd y Sir
Bellach gall trigolion ac ymwelwyr ddweud eu dweud ar ba arddangosfeydd y maent am eu gweld yn Amgueddfa’r Neuadd Sirol.
Mae Treftadaeth MonLife yn y broses o symud Amgueddfa Trefynwy i’r Neuadd Sirol ac yn chwilio am ba gasgliadau yr hoffai trigolion ac ymwelwyr eu gweld yn cael eu harddangos.
Mae arolwg ar-lein nawr ar gael i gasglu adborth ar themâu a gweithgareddau a fyddai’n denu ymwelwyr i’r amgueddfa. P’un ai ydych wedi ymweld o’r blaen neu heb ymweld erioed, rydym am greu amgueddfa sy’n llawn hanes a gweithgareddau i bawb.
Bydd y Neuadd Sirol yn amgueddfa fodern a deniadol yn seiliedig ar sgyrsiau cymunedol i sicrhau ei bod yn berthnasol ac yn gynrychioliadol i’n holl ymwelwyr. Bydd yn dod â straeon lleol yn fyw, yn ogystal â digwyddiadau a gweithgareddau y mae pawb eisiau eu gweld a chymryd rhan ynddynt.
Yn dilyn yr adborth, bydd ein tîm prosiect yn gweithio gyda phenseiri a thimau dylunio amgueddfeydd i ddatblygu cynlluniau i greu amgueddfa newydd yn y Neuadd Sirol.
Rydym wedi bod yn gweithio gyda chymunedau lleol, yn ymgynghori ar themâu a syniadau amrywiol, yn ogystal â chreu sawl grŵp ffocws a’n cynnal arolwg cyhoeddus. Roedd y rhain yn archwilio’r pynciau a’r straeon y gallem eu hadrodd yn orielau’r Amgueddfa yn y dyfodol.
O fis Awst 2024, byddwn yn dechrau archwilio dyluniadau cychwynnol ar gyfer cynllun yr adeilad a’r gofod a neilltuwyd, yn ogystal ag edrychiad a theimlad orielau’r dyfodol. Mae angen i ni hefyd siarad â’n hymwelwyr a thrigolion lleol i ddeall y digwyddiadau a’r gweithgareddau yr hoffech eu gweld.
Rydym wedi gweithio cyn hyn gyda phobl ifanc rhwng 16 a 25 mlwydd oed a byddwn yn parhau i ymgynghori â nhw i ddarganfod beth hoffent ei weld yn ein safleoedd treftadaeth. Rydym yn gweithio’n benodol gyda nhw yn y Neuadd Sirol i sicrhau bod yna leoedd sy’n berthnasol iddynt.
I gael rhagor o wybodaeth am ein hymgynghoriadau, cysylltwch ag Emily, ein Swyddog Dysgu ac Ymgysylltu – EmilyLePeltier@monmouthshire.gov.uk. I gael rhagor o wybodaeth am Amgueddfa Neuadd y Sir, cliciwch YMA.
Gallwch gwblhau ein harolwg cyhoeddus isod.
Mae’r prosiect ailddatblygu wedi’i ariannu gan Gyngor Sir Fynwy a Chronfa Dreftadaeth y Loteri Genedlaethol.
This post is also available in: English