Gwasanaeth Ieuenctid MonLife yn croesawu pobl ifanc i Neuadd y Sir - Monlife

Gwasanaeth Ieuenctid MonLife yn croesawu pobl ifanc i Neuadd y Sir

Cynhaliodd Gwasanaeth Ieuenctid MonLife ei gynhadledd ieuenctid flynyddol yn Neuadd y Sir, Brynbuga, ar ddydd Mercher, 10fed Gorffennaf.

Daeth y gynhadledd â 40 o fyfyrwyr o ysgolion uwchradd ledled Sir Fynwy ynghyd, gan gynnwys Ysgol 3-19 y Brenin Harri VIII, Ysgol Gyfun Trefynwy ac Ysgol Gyfun Cas-gwent. Roedd y gweithgareddau a’r trafodaethau yn seiliedig ar ganlyniadau y bleidlais ‘Gwneud Eich Marc’ eleni.

Roedd pleidlais ‘Gwneud Eich Marc’ yn caniatáu i bobl ifanc ar draws Sir Fynwy roi adborth ar faterion y teimlent oedd wedi effeithio ar eu bywydau. Rhoddwyd deg pwnc i bobl ifanc a benderfynwyd gan adborth gan bobl ifanc ledled Sir Fynwy.

Eleni, cymerodd 2,112 o bobl ifanc 11-18 oed ran yn y bleidlais, gan roi cipolwg gwerthfawr ar eu prif flaenoriaethau. Dangosodd y canlyniadau mai’r tair blaenoriaeth uchaf yw costau byw (29%), iechyd meddwl (15%), a thrafnidiaeth (13%).

Yn ystod y gynhadledd, cafodd y cyfranogwyr y cyfle i drafod y blaenoriaethau hyn gyda gweithwyr proffesiynol o Mind Our Futures Gwent, gwasanaethau iechyd meddwl, tîm Teithio Llesol Cyngor Sir Fynwy, ac arweinydd Cyngor Sir Fynwy ar gyfer trechu tlodi. Drwy gydol y dydd, buont yn trafod ag arbenigwyr ym mhob maes ac yn rhannu adborth ar sut y gallai’r Gwasanaeth Ieuenctid a’r Cyngor gefnogi gwelliannau yn y meysydd hyn ar gyfer pobl ifanc yn Sir Fynwy.

Yn bresennol yn y gynhadledd, dywedodd Aelod Cabinet Addysg Cyngor Sir Fynwy, y Cynghorydd Martyn Groucutt: “Roedd gweld y bobl ifanc yn ymgysylltu â swyddogion o bob rhan o’r Cyngor a phartneriaid wedi rhoi dealltwriaeth wych i’n swyddogion ar y tri phrif bwnc o’r bleidlais ‘Gwneud Eich Marc’. Roedd cymryd parc yn fy ngalluogi i gael gwell dealltwriaeth o’r materion hyn. Diolch i’r cyfranogwyr am eu hymgysylltiad. Roedd yn ddiwrnod ffantastig.

Edrychaf ymlaen at weld y gwaith parhaus y bydd ein swyddogion Gwasanaeth Ieuenctid yn ei wneud gyda’r bobl ifanc sy’n mynychu’r gynhadledd ac ar draws y sir.”

I ddysgu mwy am waith Tîm Ieuenctid a Chymuned MonLife, ewch i: https://www.monlife.co.uk/cy/connect/youth-service/

Aelod Cabinet dros Gydraddoldeb ac Ymgysylltu, Cyng. Angela Sandles, Aelod Cabinet Addysg, Cyng Martyn Groucutt, Cllr Martyn Groucutt and Cadeirdydd y Cyngor, Cyng Su McConnell yn y cynhadledd.

Tags: MonLife, Monmouthshire

This post is also available in: English